នៅពេលភ្លាមៗនេះ ក្រុមមន្ត្រីនៃប្រទេសម៉ាឡេស៊ី ដែលធ្វើជាម្ចាស់ផ្ទះនៃកិច្ចប្រជុំរដ្ឋមន្ត្រីក្រសួងការពារជាតិនៃសមាគមន៍ប្រជាជាតិអាស៊ីអាគ្នេយ៍ (ASEAN) មិនអាចផ្ដល់យោបល់បានឡើយពីមូលហេតុនៃការលុបចោលនេះ ។ ទោះបីជាយ៉ាងណាការកែប្រែកាលបរិច្ឆេទនៃកម្មវិធីចុះហត្ថលេខាលើសេចក្ដីថ្លែងការណ៍រួមទីក្រុងកូឡាឡាំពួរ ត្រូវបានលុបចោលហើយ ។ នៅពេលថ្មីៗនេះ មន្ត្រីជាន់ខ្ពស់នៃក្រសួងការពារជាតិអាមេរិកម្នាក់បាននិយាយថា ប្រទេសចិនកំពុងបញ្ចុះបញ្ចូលប្រជាជាតិអាស៊ីអាគ្នេយ៍ឲ្យលុបចោលកម្មវិធីនានាដែលជាប់ពាក់ព័ន្ធនឹងសមុទ្រចិនភាគខាងត្បូងក្នុងសេចក្ដីថ្លែងការណ៍ ។
មន្ត្រីម្នាក់ ដែលសុំមិនបញ្ចេញឈ្មោះ បាននិយាយថា មូលហេតុ គឺដោយសារប្រទេសចិនបានបញ្ចុះបញ្ចូល ដកនូវឯកសារនានាដែលជាប់ពាក់ព័ន្ធនឹងដែនសមុទ្រចិនភាគខាងត្បូង ចេញពីសេចក្ដីថ្លែងការណ៍រួមចុងក្រោយ ៕
