Mean Leap News: មាន៨ប្រទេស ដែលបានកក់កៅអីទៅលេង World Cup នៅរុស្សី

កម្ពុជា៖ ព្រឹត្តិការណ៍ប្រកួតបាល់ទាត់ពិភពលោក World Cup ដែលប្រព្រឹត្តរៀងរាល់ ៤ឆ្នាំម្ដងនោះ នឹងធ្វើឡើងនៅទឹកដីប្រទេសរុស្ស៊ី ក្នុងឆ្នាំ ២០១៨ ខាងមុខនេះ។ បច្ចុប្បន្នមានប្រទេសចំនួន ៦ហើយ ដែលបានឆ្លងផុតការជំរុះ ហើយនឹងឡើងលេង World Cup នាឆ្នាំក្រោយ។១.រុស្ស៊ី៖ ដោយប្រទេសនេះនឹងធ្វើជាម្ចាស់ផ្ទះសម្រាប់ព្រឹត្តិការណ៍ World Cup នាឆ្នាំក្រោយ ដូចនេះ រុស្ស៊ីមិនបាច់លេងវគ្គជម្រុះនោះទេ ពោលគឺឡើងទៅលេងស្វ័យប្រវត្តិតែម្ដង។ ចំណែកឯប្រវត្តិលេងពានរង្វាន់នេះ រុស្ស៊ីធ្លាប់លេង World Cup ចំនួន ៣ ដង គិតពីឆ្នាំ ១៩៩៤មក។ ២.ប្រេស៊ីល៖ ជាជើងខ្លាំងទីមួយ ដែលបានកក់កៅអីលេង World Cup នៅរុស្ស៊ីមុនគេ ក្រោយបានបង្ហាញទម្រង់លេងយ៉ាងល្អ ក្រោមការដឹកនាំរបស់គ្រូបង្វឹកថ្មី លោក Tite ក្នុងអំឡុងលេងវគ្គជម្រុះ។ ប្រទេសអាមេរិកឡាទីនមួយនេះ ជាម្ចាស់ជើងឯក World Cup ចំនួន ៥សម័យកាល គឺឆ្នាំ ១៩៥៨, ១៩៦២, ១៩៧០, ១៩៩៤ និង២០០២ តែត្រូវក្រុមជើងឯកបច្ចុប្បន្នអាល្លឺម៉ង់លត់ទក់សាច់ក្នុងលទ្ធផល ៧-១ កាលពី World Cup ឆ្នាំ២០១៤ លើទឹកដីខ្លួនឯងផ្ទាល់ ក្នុងវគ្គពាក់កណ្ដាលផ្ដាច់ព្រ័ត្រ។ ៣.បែលហ្សិក៖ ក៏ជាប្រទេសសំបូរជើងខ្លាំងបាល់ទាត់ នៅអឺរ៉ុបមួយដែរ ដែលបានឆ្លងផុតវគ្គជម្រុះ ហើយកក់កៅអីលេង World Cup នៅរុស្ស៊ីនាឆ្នាំក្រោយ ចំណែកឯប្រវត្តិដ៏ឈឺចាប់ គឺបែលហ្សិកបានចាញ់អាហ្សង់ទីនក្នុងវគ្គ ៨ ក្រុមចុងក្រោយ កាលពីព្រឹត្តិការណ៍ World Cup ឆ្នាំ ២០១៤។ ៤.មិកស៊ិក៖ សំបូរស្រីស្អាតប្រុសស្អាតមួយនេះ បានឆ្លងផុតវគ្គជម្រុះតាមពូល បន្ទាប់ពីឈ្នះប្រទេសប៉ាណាម៉ា ក្នុងលទ្ធផល ១-០ ក្នុងព្រឹត្តិការណ៍ World Cup ជម្រុះទាំង ៦ លើកចុងក្រោយ មិកស៊ិកធ្វើបានយ៉ាងល្អ និងបានកក់កៅអីមួយរួចជាស្រេច សម្រាប់ដំណើរជម្រុះជើងឯកបាល់ទាត់ពិភពលោក FIFA World Cup នៅរុស្សីឆ្នាំក្រោយ។ ៥.អ៊ីរ៉ង់៖ ប្រទេសមជ្ឈិមបូព៌ាមួយនេះ ក៏ជាជើងខ្លាំងដែរ ដែលបានឡើងមកផុតវគ្គជម្រុះតាមពូល ហើយក៏ជាការឆ្លងផុតវគ្គជម្រុះតាមពូលលើកទី៥ ដែរ ក្នុងព្រឹត្តិការណ៍ World Cup របស់គេ។ ៦.ជប៉ុន៖ ងាកមកមើលជើងខ្លាំងទី៦ រហស្សនាម សាម៉ូរៃជប៉ុន មួយនេះ បានឡើងលេង World Cup រហូតតាំងពីឆ្នាំ ១៩៩៨ មកម្ល៉េះ តែឡើងផុតវគ្គជម្រុះតាមពូលទៅវគ្គទីពីរ បានតែ ២ លើកប៉ុណ្ណោះ។ ៧. កូរ៉េខាងត្បូង៖ បន្ទាប់ពីស្មើ អ៊ូបេគីស្ថាន ក្រុមជម្រើសមួយនេះ បានក្លាយជាក្រុមទី៧ ដែលបានឡើងលេង World Cup ឆ្នាំក្រោយ។ ៨. អារ៉ាប៊ីសាអ៊ូឌីត៖ ក្លាយជាប្រទេសទី៨ ដែលឡើងលេងព្រឹត្តិការណ៍ដ៏ធំមួយនេះ បន្ទាប់ពីយកឈ្នះក្រុមជម្រើសជាតិសាំម៉ូរៃជប៉ុន ក្នុងលទ្ធផល ១ ទល់នឹង ០ ។ព្រឹត្តិការណ៍បាល់ទាត់ដ៏ធំមួយនេះ នឹងចូលរួមដោយក្រុមជម្រើសជាតិចំនួន៣២ ដែលឥឡូវមាន ៨ហើយ ដែលបានឆ្លងផុតវគ្គជម្រុះ រីឯជើងឯក World Cup បច្ចុប្បន្ន គឺអាល្លឺម៉ង់ដែលបានយកឈ្នះអាហ្សង់ទីន ក្នុងវគ្គផ្ដាច់ព្រ័ត្រកាលពីឆ្នាំ ២០១៤ នៅទឹកដីប្រេស៊ីល ក្នុងលទ្ធផល ១-០ ៕