ព័រទុយហ្គាល់ ៖ ប្រជាជនព័រទុយហ្គាល់ជាច្រើន កំពុងរងគ្រោះដោយគ្រោះរាំងស្ងួត ដែលបានបង្កឲ្យមានដី ប្រេះក្រហែងនៅផ្នែកជាច្រើននៅប្រទេសនេះ ដោយផ្ទៃដីជាង៨០ភាគរយ នៅប្រទេសព័រទុយហ្គាល់ ត្រូវបានបញ្ជាក់ជាផ្លូវការថា កំពុងរងគ្រោះខ្លាំង ដោយសារស្ថានភាពគ្រោះរាំងស្ងួត ដែលមានកម្រិតខ្លាំងបំផុត ក្នុងរយៈពេលជាង២០ឆ្នាំនេះ។
លោក ខាឡូស ម៉ាទីន រដ្ឋមន្ត្រីក្រសួងបរិស្ថាននៅប្រទេសនេះ បាននិយាយថា គ្រោះរាំងស្ងួតនេះ មានស្ថានភាពកាន់តែអាក្រក់ឡើងៗ ដោយសារតែការប្រែប្រួលអាកាសធាតុ។ លោកបន្តថា ប្រភពទឹកមួយកន្លែងដែលប្រជាពលរដ្ឋធ្លាប់តែហែលទឹកលេង ជិះទូកលេង និងស្ទួយត្រីនោះពេលនេះ រីងស្ងួតជាបណ្ដើរៗបន្សល់ដីប្រេះក្រហែង និងសាកសពត្រីងាប់នៅទីនោះ។ លោកបញ្ជាក់ថា សព្វថ្ងៃនេះប្រភពទឹកនេះ នៅសល់ទឹកតែជាង ១១ភាគរយ តែប៉ុណ្ណោះ ហើយសត្វត្រីភាគច្រើន កំពុងតែងាប់ជាបណ្ដើរៗហើយដោយសារតែខ្វះអុកហ្ស៊ីហ្សេន៕
