ចិន ៖ ក្នុងគ្រោះរញ្ជួយដីកម្រិតធ្ងន់៧.០រ៉ិចទ័រ វាយប្រហារតំបន់មួយក្នុងខេត្ត Sichuan ភាគនិរតីនៃប្រទេសចិន បានសម្លាប់មនុស្សចំនួន១៣នាក់ហើយ ខណៈអ្នករងរបួសកើនឡើងដល់១៧៥នាក់ កាលពីយប់ថ្ងៃទី៨ សីហា។
ប្រធានធិបតីចិនលោក ស៊ី ជិនពីង រួមទាំងនាយករដ្ឋមន្ត្រីចិនលោក Li Keqiang ក៏បានបង្គាប់ឲ្យគ្រប់ស្ថាប័នពាក់ព័ន្ធទាំងអស់ ខិតខំប្រឹងប្រែងឲ្យអស់ពីលទ្ធភាព ដើម្បីជួយសង្គ្រោះ អ្នកដែលទទួលរងរបួសដោយសារគ្រោះរញ្ជួយដីនេះ ជាបន្ទាន់ផងដែរ។
ដោយឡែកបើតាមមជ្ឈមណ្ឌលស្ទាបស្ទង់គ្រោះរញ្ជួយដីចិន បានបញ្ជាក់ថា គ្រោះរញ្ជួយដីមានជម្រៅប្រមាណ ២០គីឡូម៉ែត្រ នៅក្រោមដីតែម្តង ហើយគ្រោះរញ្ជួយដីដ៏អាក្រក់នេះ បានកើតមានឡើងនៅស្រុក Jiuzhaigou កាលពីវេលាម៉ោង ៩និង១៩នាទីយប់ ថ្ងៃទី៨ សីហា (ម៉ោងនៅប៉េកាំង)៕
