ពលករ​អន្តោប្រវេសន៍ “២​លាន​នាក់​” នៅថៃ កំពុងក្លាយជាពលរដ្ឋ​ស្របច្បាប់

ថៃ៖ មជ្ឈមណ្ឌល​បណ្ដោះអាសន្នសរុប​ចំនួន ១០១ បានចាប់ផ្តើម​គម្រោងរ​យៈ​ពេល​ ១៥​ថ្ងៃ ដើម្បី​ចុះឈ្មោះ​ពលករ​ចំណាកស្រុក​បរទេស នៅ​ទូទាំងប្រទេស​ថៃ ​កាលពីដើម​សប្ដាហ៍​នេះ​។​រដ្ឋមន្ត្រីក្រសួង​ការងារ​លោក Sirichai Dithakul បាន​និយាយថា “​យើង​ជឿថា យើង​នឹង​អាចធ្វើ​ឲ្យ​ស្របច្បាប់ ចំពោះ​ពលករ​ចំណាកស្រុក ចំនួន២​លាន​នាក់ ក្នុងអំឡុង​ពេលនេះ​”​។
​
ទន្ទឹម​នោះ លេខាធិការ​អចិ​ន្រៃ្ត​យ៍​ក្រសួង​ការងារ​លោក ML Puntrik Smiti បាន​និយាយថា ខេត្ត Saraburi  Chon Buri និង Kamphaeng Phet គឺជា​ខេត្ត​កំពូល​ទាំងបី ដែលមាន​ចំនួន​ពលករ​ចំណាកស្រុក ចុះបញ្ជី​ច្រើនជាងគេ​កាលពី​ម្សិលមិញ​។​
​
លោក​បន្តថា “​ជនជាតិ​មី​យ៉ាន់​ម៉ា គឺជា​ក្រុម​ពលករ​ចំណាកស្រុក ធំ​បំផុត​ដែល​បាន​ចុះឈ្មោះ ហើយ​បន្ទាប់មកទៀត​គឺ​កម្ពុជា និង​ឡាវ​”​ ៕