និយាយក្នុងការិយាល័យប្រធានាធិបតី លោក អូបាម៉ា បានអះអាងថា មិនមែនជាការសំងាត់អ្វីទេ ដែលពួកយើងទាំងពីរមិនបានឯកភាពគ្នាពីវិធីប្រឆាំងនឹងកម្មវិធីនុយក្លេអ៊ែររបស់អ៊ីរ៉ង់ ប៉ុន្តែពួកយើងទាំងពីរបានស្វែងរកការបញ្ចប់កំហឹងជាសាធារណៈដ៏ជូរចត់ និងផ្ដោតលើកិច្ចសហប្រតិបត្តិការនៃតំបន់នានា រួមទាំងកិច្ចព្រមព្រៀងយោធាដោយបន្ថែមថវិកាចំនួន ៣០ពាន់លានដុល្លារ ។
លោក អូបាម៉ា ដែលនឹងចាកចេញពីដំណែងនៅដើមឆ្នាំ២០១៧ បានទទួលនាយករដ្ឋមន្ត្រីអ៊ីស្រាអែលដោយការចាប់ដៃយ៉ាងយូរ និងគោរពនូវទំនាក់ទំនងមិនធម្មតារវាងប្រទេសទាំងពីរ ។ លោក អូបាម៉ា បាននិយាយថា វិស័យសន្ដិសុខប្រទេសអ៊ីស្រាអែល គឺជានយោបាយបរទេសជាអាទិភាពរបស់សេតវិមាន ។ ក្រុមមន្ត្រីបានប្រាប់ AFP ថា កិច្ចព្រមព្រៀង រួមមានការលក់ប្រព័ន្ធអាវុធរបស់អាមេរិកដ៏ទំនើប យន្តហោះ F-35 បំពាក់បច្ចេកវិទ្យាទំនើប គ្រាប់រំសេវ និង V-22 Osprey ។ កិច្ចព្រមព្រៀងនេះនឹងមានសុពលភាពក្រោយពីកិច្ចព្រមព្រៀងបច្ចុប្បន្នផុតកំណត់នៅឆ្នាំ២០១៧ ៕
