កាលពីថ្ងៃទី២ ខែវិច្ឆកា ឆ្នាំ២០១៥ នគរបាលជាន់ខ្ពស់ម្នាក់បានឲ្យដឹងថា ជនជាតិចិនជាង១០០នាក់ ដែលបានចាប់ខ្លួននៅក្នុងខេត្តព្រះសីហនុ នឹងត្រូវបណ្ដេញចេញពីកម្ពុជា នៅវេលាម៉ោង៩ព្រឹកថ្ងៃទី៣ ខែវិច្ឆិកានេះ ។
ឯកឧត្តម ឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានប្រាប់ឲ្យដឹងថា ការខកខានក្នុងការបញ្ជូនជនជាតិចិនទៅកាន់ប្រទេសដើមវិញ គឺដោយសារឯកសារមួយចំនួនពុំទាន់រៀបចំរួចរាល់។ យ៉ាងណាក៏ដោយ លោកបានបញ្ជាក់ថា ជនជាតិចិនជាង១០០នាក់ នឹងត្រូវបញ្ជូនទៅកាន់ប្រទេសដើមវិញ នាអំឡុងថ្ងៃពុធ ឬ ថ្ងៃព្រហស្បតិ៍ ។
សូមបញ្ជាក់ថា កាលពីថ្ងៃទី៣១ ខែតុលា ឆ្នាំ២០១៥ សមត្ថកិច្ចបានឃាត់ខ្លួនជនជាតិចិនចំនួន ១៦៨នាក់ នៅខេត្តព្រះសីហនុ ពាក់ព័ន្ធបទល្មើស VOIPជំរិតទារប្រាក់តាម Internet ។
បច្ចុប្បន្នជនជាតិចិនទាំងនេះ កំពុងស្ថិតនៅអគ្គនាយកដ្ឋានអន្តោប្រវេសន៍ រង់ចាំការបណ្ដេញចេញពីកម្ពុជា ៕
