លោកមេធាវី ជូង ជូងី ថ្លែងតាមទូរស័ព្ទកាលពីរសៀលថ្ងៃទី១៨ ខែវិច្ឆិកា ឆ្នាំ២០១៥ថា រហូតមកទល់ពេលនេះ សាលាឧទ្ធរណ៍ពុំទាន់កំណត់ថ្ងៃសវនាការសាជាថ្មី នៅឡើយទេ ។ លោកបានបញ្ជាក់ថា មុនពេលសវនាការរឿងអង្គសេចក្តី លោកមេធាវីកំពុងរៀបចំឯកសារស្នើសុំឲ្យកូនក្តីនៅក្រៅឃុំជាមុនសិនជូនសាលាឧទ្ធរណ៍ ដើម្បីពិនិត្យ និងសម្រេច ។
មន្ត្រីគណបក្សសង្គ្រោះជាតិ៣នាក់ ដែលត្រូវជាប់ពន្ឋនាគារ២០ឆ្នាំមាន ឈ្មោះលោក មាជ សុវណ្ណារ៉ា ប្រធាននាយកដ្ឋានព័ត៌មាននិង ប្រព័ន្ធផ្សព្វផ្សាយនៃគណបក្សសង្គ្រោះជាតិ, ឈ្មោះ ឃិន រឿន ហៅ ឃិន ជំរឿន ប្រធានចលនាយុវជនរាជធានីភ្នំពេញ នៃគណបក្សសង្គ្រោះជាតិ និង ឈ្មោះ អឿ ណារិត មន្ត្រីទទួលបន្ទុកកិច្ចការ សាធារណៈ នៃគណបក្សសង្គ្រោះជាតិ និងជាជំនួយការផ្ទាល់ របស់អ្នក ស្រីមូរសុខហួរ ។
ចំណែកសកម្មជនគណបក្សសង្គ្រោះជាតិ ៨នាក់ ដែលត្រូវជាប់ពន្ឋនាគារចំនួន៧ឆ្នាំមានឈ្មោះ ស៊ុំ ពុទ្ឋី សមាជិកក្រុមប្រឹក្សាខណ្ឌច្បារ អំពៅនៃគណបក្សសង្គ្រោះជាតិ, ឈ្មោះ កែ ឃីម ហៅវីន ឌី សកម្មជនគណបក្សសង្គ្រោះជាតិ ,ឈ្មោះ ទេព ណារិន សមាជិកចលនាមហាជនរបស់គណបក្សសង្គ្រោះជាតិ ,ឈ្មោះ អ៊ុក ពេជ្រសំណាង សកម្មជនគណបក្សសង្គ្រោះជាតិ, ឈ្មោះនាង សុឃុន ប្រធានសម្ព័ន្ធយុវជនជាតិខ្មែរ និងជាហិរញ្ញិកចលនាយុវជនគណបក្សសង្គ្រោះជាតិនៅខណ្ឌច្បារអំពៅ ,ឈ្មោះ សាន គឹមហេង ប្រធានចលនាយុវជនគណបក្សសង្គ្រោះជាតិ និងជាសមាជិកក្រុមប្រឹក្សាខណ្ឌទួលគោក ,ឈ្មោះ សាន សីហៈ លេខាធិការគណបក្សសង្គ្រោះជាតិ និងឈ្មោះ អាន បឋម ហៅ សុខុម យុវជនគណបក្សសង្គ្រោះជាតិ ។
ជនជាប់ចោទទាំង ១១នាក់ ត្រូវបានតុលាការចោទប្រកាន់ពីបទ ចូលរួមក្នុងចលនាកុបកម្ម តាមមាត្រា៤៥៧ នៃក្រមព្រហ្មទណ្ឌ និង បទដឹកនាំកុបកម្ម តាមមាត្រា៤៥៩ នៃក្រមព្រហ្មទណ្ឌ ប្រព្រឹត្តនៅទីលានប្រជាធិបតេយ្យ ក្នុងសង្កាត់វត្តភ្នំ ខណ្ឌដូនពេញ កាលពីថ្ងៃទី១៥ ខែកក្កដា ឆ្នាំ២០១៤ ៕
