លោកវរសេនីយ៍ទោ ឈន រិទ្ធិ អធិការនគរបាលក្រុងបានប្រាប់ឲ្យដឹងថា បន្ទាប់ពីទទួលបានព័ត៌មានពីប្រជាពលរដ្ឋ និងការសហការពីម្ចាស់សណ្ឋាគារ ថា មានករណីចែកចាយ និងប្រើប្រាស់គ្រឿងញៀនខុសច្បាប់ កម្លាំងអធិការដ្ឋាននគរបាលក្រុង បានសហការជាមួយកម្លាំងការិយាល័យជំនាញ និងកងរាជអាវុធហត្ថ ដឹកនាំបញ្ជាផ្ទាល់ពីលោកវេសរនីយ៍ឯក រស់ ប៊ុនណាន ស្នងការរង និងជាប្រធានការិយាល័យកណ្តាលប្រឆាំងបទល្មើស នៃស្នងការនគរបាលខេត្តពោធិ៍សាត់ និងមានការសម្របសម្រួលពីលោកព្រះរាជអាជ្ញារង ឆាយ ហុង ចុះបង្ក្រាប និងឃាត់ខ្លួននៅទីតាំងខាងលើតែម្តង។ ក្រោយពេលសមត្ថកិច្ចចុះបង្ក្រាបចាប់មុខសញ្ញាចែកចាយ និងប្រើប្រាស់សារធាតុញៀនខុសច្បាប់បានចំនួន៦នាក់ រួមនិងវត្ថុតាងមាន ថ្នាំញៀនប្រភេទម្សៅពណ៌ស៣កញ្ចាប់ធំស្មើនិង១៧ក្រាម, ម៉ូតូម៉ាកវ៉េវ ចំនួន២គ្រឿង, អាយភេត ចំនួន១គ្រឿង, ទូរស័ព្វដៃចំនួន៥គ្រឿង, កាបូបស្ពាយ២ និងប្រដាប់ជក់គ្រឿងញៀនមួយចំនួន។
លោកវេសរនីយ៍ទោ ឈន រិទ្ធិ បានបន្តថា មុខសញ្ញាដែលសមត្ថកិច្ចចាប់ឃាត់ខ្លួនទី១.ឈ្មោះសេត អ៊ីហ្វា ភេទប្រុស អាយុ៣៣ឆ្នាំ រស់នៅភូមិបាក់រទេះ សង្កាត់ព្រៃ ក្រុង-ខេត្តពោធិ៍សាត់ មុខរបររត់ម៉ូតូឌុប (ជាមេក្លោងចែកចាយ), ទី២.ឈ្មោះ សៀន វតី ភេទស្រី អាយុ២១ឆ្នាំ រស់នៅផ្សារដើមគរ សង្កាត់បឹងទំពុន ខណ្ឌមានជ័យ រាជធានីភ្នំពេញ, ទី៣.ឈ្មោះ តុល ជា ភេទប្រុស អាយុ២៣ឆ្នាំ រស់នៅភូមិកណ្តាល ឃុំអន្លង់ត្នោត ស្រុកក្រគរ ខេត្តពោធិ៍សាត់ មុខរបររត់ម៉ូតូឌុប, ទី៤.ឈ្មោះ សួន ស៊ីណាត ភេទស្រី អាយុ២៣ឆ្នាំ រស់នៅភូមិព្រៃទទឹង ឃុំបឹងជរ ស្រុកស៊ីធរកណ្តាល ខេត្តព្រៃវែង, ទី៥.ឈ្មោះ សាយ លីន ភេទស្រី អាយុ២២ឆ្នាំ រស់នៅខេត្តព្រៃវែង និងទី៦.ឈ្មោះ រ៉ន វីរៈ ភេទប្រុស អាយុ២៣ឆ្នាំ រស់នៅភូមិបាក់រទេះ សង្កាត់ព្រៃញី ក្រុង-ខេត្តពោធិ៍សាត់។
លោកវេសរនីយ៍ទោ ឈន រិទ្ធិ បានបញ្ជាក់ថា មុខសញ្ញាខាងលើ និងវត្ថុតាងត្រូវបានសមត្ថកិច្ចនគរបាលកសាងសំណុំរឿង បញ្ជូនទៅកាន់សាលាដំបូងខេត្តពោធិ៍សាត់ ដើម្បីចាត់ការតាមផ្លូវច្បាប់ ៕
