ខេត្តក្រចេះ
៖ បុរសល្មោភកាមម្នាក់ ដែលបានធ្វើសកម្មភាពចាប់រំលោភក្មេងស្រីវ័យ៨ឆ្នាំ បានសម្រេចចំនួន៣លើក
ត្រូវនគរបាលស្រុកសំបូរចាប់ឃាត់ខ្លួនកាលពីថ្ងៃទី០១ ខែមីនា ឆ្នាំ២០១៥ បន្ទាប់ពីធ្វើសកម្មភាពបានរយៈពេលជិត១ខែ
ទើបបែកធ្លាយ ។
បុរសល្មោភតណ្ហារូបនេះ
ត្រូវនគរបាលស្រុកសំបូរបញ្ជាក់អត្តសញ្ញាណថា ឈ្មោះ សួន វួច អាយុ៤៩ឆ្នាំ
រស់នៅក្នុងឃុំកំពង់ចាម ស្រុកសំបូរ និងបានធ្វើសកម្មភាពចាប់រំលោភ លើក្មួយស្រីវ័យ៨ឆ្នាំដែលជាកូនរបស់ប្អូនស្រីជីដូនមួយរហូតបាន
សម្រេចចំនួន៣ដង ។
លោកអនុសេនីយ៍ឯក
ឈិន សំបូរ អធិការរងស្រុកសំបូរ បានឲ្យដឹងថា ជនសង្ស័យ
ត្រូវនគរបាលចាប់ឃាត់ខ្លួនបាន នៅថ្ងៃទី០១ ខែមីនា ឆ្នាំ២០១៥ បន្ទាប់ពីទទួលបានពាក្យបណ្តឹងរបស់
ក្រុមគ្រួសារក្មេងស្រីរងគ្រោះ ។
នគរបាលស្រុកសំបូរ បានស្រង់ពាក្យបណ្តឹង របស់គ្រួសារក្មេងស្រីរង
គ្រោះឲ្យដឹងថា កាលពីដើមខែកុម្ភៈ ជនសង្ស័យបានធ្វើសកម្មភាព ចាប់រំលោភក្មេងស្រីរងគ្រោះនៅលើផ្ទះ របស់ខ្លួនបានសម្រេចចំនួនពីរដង នៅពេលដែលរូបគេឲ្យក្មេងស្រីរងគ្រោះទៅចាំផ្ទះ។
ហើយក្រោយមកជននេះ បានចាប់រំលោភក្មេងស្រីរងគ្រោះបានសម្រេចម្តងទៀត និងក៏
បានគំរាមសម្លាប់នាងចោល បើយករឿងនេះទៅប្រាប់ម្តាយ ។
តែក្រោយមក
បន្ទាប់ពីក្មេងស្រីរងគ្រោះមានអការៈឈើចុកចាប់ នាងក៏បានយករឿងនេះទៅប្រាប់ម្តាយ
ហើយស្ត្រីជាម្តាយ បានមកប្តឹងនគរបាល ទើបត្រូវធ្វើការចាប់ខ្លួនតែម្តង ។
លោកអធិការរងបានបញ្ជាក់ថា
ជនសង្ស័យត្រូវនគរបាលស្រុកចាត់បញ្ចូនខ្លួនបន្តមកកាន់ ស្នងការដ្ឋាននៅថ្ងៃទី០២
ខែមីនា ឆ្នាំ២០១៥ ក្រោយពីបានឃាត់ខ្លួនបានមួយថ្ងៃរួចមក ៕
