នៅក្នុងការចុះអប់ណែនាំនេះ លោកអនុសេនីយ៍ឯក ខឹម វិសុទ្ធ នាយរងផ្នែកនគរបាលចរាចរណ៍ ផ្លូវគោកខេត្ត បានលើកឡើង ពីសភាពការណ៍គ្រោះថ្នាក់ចរាចរណ៍ក្នុងខែមករា ដើមឆ្នាំ២០១៥នេះ មានចំនួនគ្រោះថ្នាក់ចរាចរណ៍កើតឡើងសរុប៣៤លើក ក្នុងគ្រោះថ្នាក់ប្រភេទធ្ងន់ចំនួន២៨លើក,គ្រោះថ្នាក់ប្រភេទ ស្រាលចំនួនចំនួន៦ លើក ។គ្រោះថ្នាក់ចរាចរណ៍នេះ បណ្តាលឲ្យមនុស្សស្លាប់ចំនួន១៧នាក់/ស្រី៣នាក់,របួសធ្ងន់២១នាក់/ស្រី៣នាក់និងរបួសស្រាល២១នាក់/ស្រី៥នាក់។
លោកអនុសេនីយ៍ឯក ខឹម វិសុទ្ធ បានណែនាំនិងអប់រំដល់អ្នកបើកបររថយន្តឈ្នួលទាំងនោះថា៖ដើម្បីចូលរួមកាត់បន្ថយគ្រោះថ្នាក់ចរាចរណ៍ ពិសេសនាពេលបុណ្យចូលឆ្នាំថ្មី ប្រពៃណីចិន វៀតណាម នាពេលខាងមុខនេះ ធានាបាននូវសុវត្ថិភាពចរាចរណ៍ សូមឲ្យបងប្អូនបើករថយន្តកឲ្យហួសល្បឿនកំ ណត់ ក្នុងទីប្រជុំគឺត្រូវបើក៤០គ.មក្នុង១ម៉ោង,ក្រៅទីប្រជុំគឺ៦០គ.មក្នុង១ម៉ោង ការបើកបរមិនត្រូវស្ថិតក្រោមឥទ្ធិពលនៃគ្រឿងស្រវឹង បើកបរមិនប្រជែងឬវ៉ាជែងក្នុងស្ថានភាពគ្រោះថ្នាក់ ជាងនេះទៀតសោតនោះគឺមិនត្រូវផ្ទុកទំនិញសំពីងសំពោង លើសចំណុះនិង អ្នកដំណើរឲ្យជិះលើដំបូលរថយន្ត ទន្ទឹមនោះផងដែរគឺត្រូវគោរពផ្លូវសិទ្ធអាទិ្ធ ភាព និងចេះយោគយល់អធ្យាស្រ័យឲ្យគ្នាទៅវិញទៅមក នោះទើបបងប្អូនដែលជាអ្នកបើកបរ ក៏ដូចជាអ្នករួមដំណើរ មានសុវត្ថិភាពក្នុងការធ្វើដំណើរ។ម្យ៉ាងវិញទៀតសុវត្ថិភាពចរាចរណ៍ អាចកើតមានទៅបានគឺ ត្រូវចាប់ផ្តើមចេញពីយើងទាំងអស់គ្នា៕
