សេចក្ដីថ្លែងការណ៍របស់ក្រសួងការបរទេសវៀតណាមមួយនិយាយថា លោក Xi បានប្រាប់ទៅនាយករដ្ឋមន្ត្រី Nguyen Tan Dung ថា ភាគីទាំងពីរត្រូវការគ្រប់គ្រងភាពមិនស្របគ្នាឲ្យបានត្រឹមត្រូវ ដោយការចរចាដើម្បីរក្សាស្ថេរភាពក្នុងដែនសមុទ្រ ។ ដំណើរទស្សនកិច្ចរបស់លោក Xi ធ្វើឡើងទាន់ពេលវេលា សំដៅកសាងនូវទំនាក់ទំនងឡើងវិញ ស្របពេលមានភាពមិនច្បាស់លាល់ខ្លះថា តើមេដឹកនាំប្រភេទណា ដែលនឹងត្រូវបានតែងតាំងដោយសមាជប្រាំឆ្នាំ នៅខែមករាខាងមុខនេះ នៃគណបក្សដែលជិតស្និទនឹងទីក្រុងប៉េកាំង ប៉ុន្តែឥឡូវកំពុងទទួលនូវការចូលរួមពី លោកខាងលិច ដែលពុំធ្លាប់មានពីមុនមក ។ កិច្ចព្រមព្រៀងទ្វេភាគីចំនួន១២ ត្រូវបានចុះហត្ថលេខា រួមមាន ការផ្លាស់ប្ដូរវប្បធម៌ឬមិត្តភាព និងកិច្ចព្រមព្រៀងផ្នែកហិរញ្ញវត្ថុជាច្រើន ពាក់ព័ន្ធនឹងធនាគារចិន ដែលភាគច្រើនមិនបានលាតត្រដាងលំអិត ឬតម្លៃឡើយ ៕
